Naglab-ot na sa kapin 200,000 ka mga indibidwal ang nag-evacuate sa nagkalain-lain nga bahin sang southwestern France bangud sa padayon nga paglapta sang malapnagon nga wildfire nga naghalit sa mga puluy-an kag palanabuhian.
Suno kay Bombo Vladelyte Valdez, International Correspondent sa France,
ginpahanugutan ang pag-evacuate sang pila ka suburban areas sang Bordeaux matapos nagbag-o ang direksyon sang sunog pakadto sa siyudad.
Bangud sini, ginmandu ni French President Emmanuel Macron ang pagdeploy sang militar agud magbulig sa mga bombero nga nagapakig-away sa kalayo.
Pahayag pa niya, ang wildfire sa Gironde region ang isa ka “self-sustaining” nga sunog ukon nagapadayon bisan wala sang bag-o nga ginsuguran ang kalayo, kag ini ang nagpalala sang sitwasyon matapos nagbag-o ang direksyon sini pakadto sa Bordeaux.
Sa pinaka-ulihi nga datos, kapin 46,000 ka ektarya sang forest land ang kag masobra sa 80 ka balay ang nasunog.
Nagapadayon ang operasyon sang mga awtoridad sa France samtang ginapaabot nga magadugang pa numero sang mga residente kag turista nga kinahanglan mag-evacuate kon magpadayon ang paglapta sang wildfire.
