Nakarekord ang Philippine National Police (PNP) sang kabilugan 3,616 nga mga indibidwal nga naglapas sa ginpatuman nga election gun ban kadungan sang tinalikdan nga tyempo sang eleksyon sa pungsod.
Ang datos nga narekord sang PNP ang napagkit sang Enero 12 tubtob Hunyo 11 sa sini nga tuig.
Gin-report man sang pulisya nga naglab-ot sa 3,702 ka mga armas ang ila nga nakumpiskar sa sulod sang amo nga mga binulan.
Sa isa ka pahayag, ginsiling sang Philippine National Police nga nangin malinong ang kabilugan sang 2025 midterm National and Local Elections subong nga tuig.
Base man sa datos sang National Election Monitoring Action Center, nagpatigayon ang PNP sang kabilugan 998,679 nga election checkpoints sa bilog nga pungsod nga nagresulta sa pagka-aresto sang kapin yara sa 265 ka mga indibidwal.
Nagresulta man ini sa pagkaharang sang 1,879 indibidwal , 556 ka mga indibidwal ang naaresto sa ginpatigayon nga anti-illegal drugs operations, 229 sa gun buy-busts, 686 ang nagikan sa iban pa nga mga law enforcement operations kag ang isa bangud sa internal security operation sa Bicol Region.
Ginsiguro man sang bag-o nga tagdumala sang PNP nga padayon nga magabantay ang ila nga hanay sa tanan nga bahin sang pungsod agud masiguro ang seguridad sang tagsa ka mga Pilipino.
