Nagapadayon ang maid-id nga imbestigasyon sang Bureau of Fire Protection (BFP)-Panay sa ginhalinan sang sunog nga nagtupok sa isa ka balay sa Barangay Cogon, Panay, Capiz .
Ang nasunog nga balay ang ginapanag-iyahan ni Castor Calinao.
Sa interview sang Bombo Radyo kay FO3 Don Anthony Falsis, Chief Public information section sang BFP-Panay, iya ginpahayag nga nag-umpisa ang sunog sa kusina sang balay nga human sa mixed materials ang nasambit nga panimalay, rason nga madasig ini nga nalamon sang kalayo.
Suno kay Falsis, nagbakal lamang sang pamahaw si Calinao agud dal-on sa mga tawo nga nagatrabaho sa ila uma sang gulpi niya nabatian ang singgitan nga may nagakalayo.
Yara naman sa kapin P102,000 ang ginbilin nga kahalitan sang sunog.
Nagpahanumdom naman ang natungdan sa publiko nga i-secure ang panimalay antes nga magtulog ukon maglakat agud malikawan ang mga kaangay nga insidente.
