-- ADVERTISEMENT --
ROXAS CITY – Naglab-ot sa kapin P80K nga balor sang illegal nga droga ang nakuha sang mga otoridad matapos ang ginkasa nga drug buybust sa Barangay VIII, Roxas City.
Sa impormasyon nga nakuha sang Bombo Radyo sa lugar, ginkilala ang nadakpan kay alyas “Edefer”, 39-anyos, construction worker kag residente sang Barangay Dinginan, Roxas City.
Nakuha sa paghinakop sini ang P3,000.00 nga buybust money, 6 ka sachets sang ginapatihan shabu kung sa diin may kabug-aton nga 13 gramos.
Kaso nga paglapas sa Republic Act 9165 ukon Comprehensive Dangerous Drugs Act of 2002, ang paga atubangon sang nadakpan.
Sa karon nagapabilin ini sa kustodiya sang Roxas City PNP para sa nagakaigo nga disposisyon.
-- ADVERTISEMENT --
