ROXAS CITY – Nataban sang wala pa matumod nga kawatan ang kapin P92,000 nga balor sang kulintas sa isa ka shop sa Barangay Baybay, Roxas City alas 10:17 sang damlag lang.
Sa impormasyon nagikan sa Roxas City PNP, ginpahayag sini nga personal nga nagpadulong sa ila talatapan ang isa ka teller sang jewelry shop nga ginkilala kay Jacellou Porras 29-anyos, residente sang Sitio Pili, Barangay Dinginan, Roxas City agud magpalab-ot sang reklamo angut sa pagpangawat nga natabo sa iya ginatrabahuan.
Suno kay Porras samtang nagapatigayon sila sang inventory sadtong Hulyo 4, natalupangdan na lamang sini nga nadula ang 18-K nga bulawan nga kulintas kag nagabug-at sang 28.5grams.
Bangud sini, gilayon nga ginteskyar ang kuha sang CCTV footage kag didto nakit-an ang wala kahadlok nga pagkuha sang ginpahayag makawat nga babaye nga nagpakuno-kuno isa ka customer.
Dugang pa sini nga makaligad ang anum ka minutos, madasig nga nagguha ang amu nga kawatan kag nagpalagyo.
Sa karun, nagapadayon pa ang imbestigasyon sang mga otoridad agud matumod ang amu nga persona.
