Diri sa aton sa Pilipinas, pormal ang pagkuha sang pila ka mga exam nga ginasudlan agud nga mag-apply sang trabaho.
Apang, didto sa India, pinasahi, bangud kapin sa 1,000 ka mga aplikante para sa Indian Army recruitment examination sa Bihar ang nagkuha sang test nga nagasuksok lamang sang ila mga undergarments bilang kabahin sang estrikto nga mga tikang batok sa pagpangdaya.
Suno sa mga opisyal, ginpatuman ang polisa kasunod sang narekord nga mga insidente sang pagpangdaya sa mga nagligad nga exam.
Natalupangdan man nga ang iban nga mga aplikante ang una na nga nadakpan nga nagatago sang mga cheat sheet kag mobile phone sa sulod sang ila mga panapton samtang nagakuha sang test.
Gani, ginpahugot sang mga awtoridad ang proseso sang examination agud masiguro ang patas, matinlo, kag mapatihan nga proseso sang pag-recruit para sa mga nagahandum nga mangin mga katapo sang Indian Army.
