ROXAS CITY -Ginpaidalum sa rapid testing ang 121 ka mga Locally Stranded Individuals (LSIs) nga nag-abot sa probinsiya sakay sa 2go vessel.
Ini ang ginpahayag ni Mrs. Judy Grace Pelaez, Provincial Disaster Risk and Management Officer sang mainterview sang Bombo Radyo.
Suno kay Pelaez nga 78 ka mga LSIs ang residente sang Roxas City kag masobra 30 ka mga LSIs ang mga residente sang nagkalain nga mga kabanwahanan sa probinsiya.//
Gindugang pa ni Pelaez nga ang mga LSIs nga taga syudad sang Roxas ang gindala sa Hortus Botanicus agud ipaidalum sa rapid test samtang ang mga LSIs naman nga mga taga kabanwahanan ang gindala sa Capiz Gymnasium agud ipaidalum sa rapid test antes idul-ong sa tagsa nila ka mga kabanwahanan.
Samtang nangin hugot naman ang pagpatuman sang health protocols sa mga nagpalauli nga mga LSIs agud masiguro nga hilway ang mga ini sa covid-19 disease.
