Naglab-ot na sa kapin 450,000 ka mga tawo ang nag-evacuate gikan sa Gaza City pakadto sa nabagatnan nga bahin sang Gaza samtang padayon nga ginapasangkad sang Israel ang opensiba batuk sa Hamas, suno sa Israel Defence Forces (IDF).
Sa isa ka press briefing kahapon nga adlaw, ang spokesperson sang Israel Defence Forces nga si Effie Defrin nagsiling nga duha ka dibisyon sang mga pwersa sang Israel ang yara sa karon sa Gaza City kag ginalauman nga ang dugang nga dibisyon magabuylog sa mga operasyon sa masunod nga pila ka adlaw.
Nahibaluan nga humalin sang paglunsyar sang ikaduha nga hugnat sang opensiba sa syudad sang Gaza, masobra 1,200 ka terorista nga grupo ang ginpunggan sang pwersa sang Israel.
Samtang, ginpaisol naman sang International Rescue Committee (IRC) ang ila operasyon sa Gaza City bangud sa nagalala nga sitwasyon sa lugar.
