Kapin sa 500 ka mga tawo ang ginapatihan nga patay matapos nga naglugdang ang duha ka sakayan sa baybayon sang Myanmar.
Suno sa report sang United Nations (UN) agencies, nadula ang kontak sa una nga sakayan pagkatapos nga naghalin ini nga may dala nga ginabanta 250 ka tawo.
Ang ikaduha nga sakayan nga may sakay nga 280 ka pasahero ang ginapatihan nga naglugdang sa Ayeyarwady coast sa Myanmar.
Kalabanan sa mga pasahero ang mga refugee gikan sa Rohingya Muslim minority.
Suno sa UN High Commissioner for Refugees (UNHCR) kag sa International Organization for Migration (IOM), ang mga sakayan nagbiyahe sa guwa sang regular nga “sailing season” isa ka tion nga ang kahimtangan sang dagat tuman ka delikado.
Nahibaluan nga nagbiyahe ang mga Rohingyo agud tuyo kuntani nila nga malab-ot ang mga kaiping nga pungsod kaangay sang Malaysia, Indonesia, ukon Thailand sa pagpangita sang kaluwasan kag mga oportunidad.
