Ginpabugal naman ni President Ferdinand Marcos Jr. sa iya ika-lima nga State of the Nation Address (SONA) nga masobra 80,000 ka mga manunudlo kag school heads sa mga pampubliko nga buluthuan ang na-promote sa idalum sang Expanded Career Progression Program.
Suno kay Marcos, kabahin ini sang mga tikang sang administrasyon agud mapasanyog ang kondisyon sang mga manunudlo kag matuman ang promisa nga wala sang public teacher nga magaretiro sa rank Teacher I.
Ginpahayag man ni Marcos nga masobra 30,000 ka mga bag-o nga teaching positions ang ginhimo agud madugangan ang numero sang mga manunudlo kag mapasanyog ang kalidad sang edukasyon sa mga pampubliko nga buluthuan.
Nagalaum ang administrasyon nga paagi sa sini nga mga programa mapabaskog ang hanay sang mga manunudlo kag mapasanyog ang serbisyo pang-edukasyon para sa mga estudyante sa bug-os nga pungsod.
