ROXAS CITY – Madamo nga mga aktibidad ang ginpreparar sang Barangay Council kag SK sang Barangay Baybay kaupod ang Roxas City Government.
Sa ginpatigayon nga press conference, nagpalab-ot si Roxas City Mayor Ronnie Dadivas sang imbitasyon sa tanan nga Capiznon nga magpakigbahin sa amu nga selebrasyon.
Mahibaluan nga masobra 300 nga mga baroto ang magapasakop sa Fluvial Procession, may yara man sang pagahiwaton nga Sadsad sa Baybay, Water Sports, Banda kag Fireworks.
Nagpalab-ot man ang alkalde sang pagpasalamat sa nagproponer sa amu nga aktibidad, ilabi na sa mga Barangay Officials sang Barangay Baybay, Sangguniang Panlungsod, kag iban pa nga mga nagbulig agud mapatigayon ang mga nagkalain-lain nga aktibidades sa Kapistahan ni San Juan de Bautista.
