Kapistahan ni Sr. San Juan Bautista, napuno sang kasadya; mga motorista kag umalagi, nagahinyo nga indi pagbasyahan sang tubig

ROXAS CITY – Napuno sang kasadya ang pagselebrar sang kapistahan ni Sr. San Juan Bautista sa Barangay Baybay sining syudad.

Mahibaluan nga madamo nga mga tawo ang nag-enjoy ilabi na ang mga kabataan pinaagi sa pagbasya sang tubig sa dalan kag mga motorista.

Apang sa pihak sang kalipay sang kadam-an may yara sa gihapon nga mga iban ang wala naham-ot sa kustombre nga ginahimo sang mga tawo sa tion sining pista, bangud para sa ila indi ini maayo nga buluhaton ilabi na sa mga nagapdulong sa ila tagsa ka mga trabaho.

Bangud sini, agud makalikaw nga mabasa nagasakay na lamang ang iban sa mga bus nga nakasarado agud masiguro nga maka-abot sila sa ila tagsa ka mga padulungan nga wala sang sablag kag indi mabasa.