Target nga makatilon ang Maharlika Investment Corporation (MIC) sang kapital para sa apat ka kritikal nga sektor sang pungsod pagkatapos sang ila partisipasyon sa World Economic Forum (WEF) 2026 sa Davos, Switzerland.
Sa labing una nga kahigayunan, pormal nga ginlakip ang Maharlika Investment Corporation (MIC) sa opisyal nga delegasyon sang Pilipinas agud direkta nga makig-angot sa mga mayor nga financial players sa kalibutan.
Suno sa report, nangin masako ang korporasyon sa pagpakigkita sa nagkalainlain nga mga institutional investors, sovereign funds, Kag mga potensyal kaupod ang private sector.
Una nga ginbida sang Maharlika Investment Corporation (MIC) sa nasambit nga forum ang oportunidad sang Pilipinas, ilabi na sa infrastructure, energy security, digitalization, kag food security.
Ang Maharlika Investment Corporation (MIC) ang magaserbe nga sovereign investment vehicle sang gobyerno.
Katuyuan sini nga tikang amo ang pag-angkon sang pondo nga sarang magamit sa mga proyekto nga magaduso sang malapad nga pagbag-o sa ekonomiya.
