ROXAS CITY – Nadismaya si Punong Barangay Roberto Ross Roldan bangud wala mahatagan sang pagtamod sang Sangguniang Panlungsod ang ginpalab-ot sini nga reklamo natuhoy sa ila Sangguniang Kabataan (SK) Chairman sa Barangay Adlawan, Roxas City.
Suno kay Roldan nga wala ini sang may nabaton nga kopya sang sabat ni SK Chairman Rolbert Caloyloy nga ginsumiter sa konseho sang siyudad.
Sa nakuha nga impormasyon ni Roldan nga sang Nobyembre 5 sang nagsumiter sang sabat ni Caloyloy natuhoy sa ginpadala nga sulat sang Sangguniang Panlungsod.
Ang nasambitan nga reklamo ang natuhoy sa wala pagtambong ni Caloyloy sa mga sesyon sang Barangay Adlawan kag ang kapaslawan sini nga makapatigayon sang mga aktibidad para sa mga pamatan-on sa ila barangay.
Ini ang rason nga tubtob sa karon ginahulat ni Roldan ang masunod nga tikang sang Sangguniang Panlungsod natuhoy sa iya ginpalab-ot nga reklamo.
Mahibaluan nga gintugyan kay City Councilor Atty. Albert Gregory Potato ang nasambit nga reklamo.
Sa karon nagaplano si Roldan nga ipalab-ot na lamang sa Office of the Ombudsman ang reklamo bangud wala sang aksyun ang Sangguniang Panglungsod sa iya ginpalab-ot nga reklamo.
