ROXAS CITY – Nagdangop sa Bombo Radyo ang isa ka concerned citizen agud ireklamo ang punong barangay sang Barangay Cabugao, Panitan, Capiz nga suno diri may pinilian sa pagtumod sang benepisyaryo sang Social Amelioration Program (SAP) sang Department of Social Welfare and Development (DSWD).
Suno sa wala na ginhingadlan nga tagreklamo, ginalakip sang kapitan ang mga indibidwal nga may pamilya nga seaman, Overseas Filipino Workers (OFW’s), manunudlo kag empleyado sang gobyerno sa baylo nga siya ang partehan sang P1, 000 sa P6, 000 nga ayuda.
Panindugan sang tagreklamo nga madamo nga mas nagakinahanglan ang wala malakip sa makabaton sang ayuda.
Suno diri nga wala nagalain ang iya buot nga wala makabaton sang nasambit nga ayuda bangud indi siya kwalipikado apang luyag sini nga mauntat ang indi maayo nga ginahimo sang kapitan.
Bukas naman ang talatapan sang Bombo Radyo para sa pagpaathag sang ginatumod nga punong barangay.
