Kapitan sang barko, gin-aresto matapos bumonggo sa oil tanker sa North Sea

Gin-aresto ang kapitan sang barko nga may pangalan nga Solong matapos ini bumonggo sa nakaangkla nga oil tanker nga Stena Immaculate sa North Sea, nga nagresulta sa sunog sa pareho nga barko.

36 ka tawo ang naluwas, apang nadula naman ang isa ka crew member sang Solong nga ginapatihan patay na.

Ginsuguran sang mga awtoridad sang U.K. ang imbestigasyon sa insidente kag gin-aresto ang isa ka 59-anyos nga lalaki bangud sa gross negligence manslaughter.

Ang pareho nga barko ang nag-angkon sang dako nga kahalitan kag ginbayaan sang ila nga mga crew matapos ang sunog.

Nahibaluan nga ang Stena Immaculate ang may karga nga 220,000 barrels sang jet fuel nga nangin resulta sang paglupok matapos ang bunggoanay.