ROXAS CITY – Emosyonal nga ginpautwas ni Rosemarie Baniabo sang Barangay Mongpong ang iya kalain sang buot sa ila Brgy. Kapitan nga si Ricky Donato.
Sa interview sang Bombo Radyo kay Baniabo, ginpahayag sini nga ginharangan kag ginkandaduhan ang ila alagyan pakadto sa ila balay pati ang dalan nga sa suba sila nagaagi nga nagasakay sa balsa ang ginbawalan man.
Bangud wala na sila sang maagihan papauli sa ila, didto ini sila nagaagi sa kilid sang balay sang tinawo ni kapitan apang ila naman nga ginkastigo ang iya nga bana.
Nagapati si Baniabo nga ang rason sang pag-ipit sa ila ni kapitan bangud nagkontra sila nga pamilya kag didto nagsuporta sa kontra ni Donato sa nakaligad nga Barangay election.
Nagapanawagan naman si Baniabo sa tag-iya sang duta nga makaistoryahanay sila kag kun tani patas man ang pagtratar sa ila sang iya mga tinawo.
Samtang, bukas naman ang Bombo Radyo sa mangin sabat ni Punong Barangay Ricky Donato natuhoy sa nasambit nga reklamo.
