Kapitan sang M/V Trisha Kerstin 3, kalakip sa mga napatay sa paglugdang sang barko

Natumod nga kalakip sa mga napatay sa trahedya sang M/V Trisha Kerstin 3 ang kapitan sini nga si Capt. Sonie Secuban.

Sandig sa mga reports, ginkumpirma ang identity gamit ang DNA halin sa iya nga pamilya.

Naglab-ot sa 65 ang numero sang mga narekober nga bangkay, 293 ang nakaluwas, kag 14 pa sa gihapon ang nagapabilin nga missing. Ginpa-untat na ang diving operations sa naglugdang na barko.

Ang pagtumod kay Capt. Secuban ang naghatag sang kaathagan sang nagalapta nga sala nga impormasyon sa diin ginapahayag nga siya ang nagpalagyo.

Nagapadayon pa sa gihapon ang imbestigasyon batuk sa pila ka mga opisyal nga nag-apruba sang dokumento kag paglayag sang barko.