ROXAS CITY – Dako ang mabulig sa barangay agud madasig nga makaserbisyo sa pumuluyo.
Ini ang ginpahayag ni Punong Barangay Rolando Tuazon, Kapitan sang Barangay Lanot sang mainterview sang Bombo Radyo.
Suno kay kapitan, madugay niya na nga ginahulat mag-abot ang nasambit nga salakyan kag tuman ang iya kasadya nga nag-abot na ini subong.
Nagapasalig si Tuazon nga pagagamiton sang intsakto kag maayo ang salakyan kag panugyan sa iban nga kabarangayan nga maghulat bangud suno kay Mayor may ara man sila pagabatunon.
Sa pihak nga bahin, una nga ginpanghatagan ni Mayor Ronnie Dadivas ang tuman nga nagakinahanglan sini.
Mahibaluan nga 10 ka mga resipyente ang una nga nakabaton sang Toyota Hilux kalakip ang Barangay Lonoy, San Jose, Lanot, Adlawan, Lawaan, Punta Tabuc, Cagay, Cogon, Dayao kag Milibili.
