ROXAS CITY – Liwat nga pagastriktuhon sang mga katapo sang kapulisan sa probinsya sang Capiz ang hugot nga pagpatuman sang Ordinance No. 082 ukon ang pag-obserbar sang Minimum Public Health Standard.
Ini ang sandig sa ginpaguwa nga abiso sang Capiz Police Provincial Office sa idalom sang pagpamuno ni Pol. Col. Winston De Belen.
Sa magalapas sa indi pagsuksok sang face mask, social distancing kag iban pa nga pagsulondan sa protocol, yari ang mangin penalidad:
1ST OFFENSE – Reprimand
2ND OFFENSE – Pagbayad sang P1,000 nga penalidad ukon pagka-preso sang tatlo (3) ka adlaw, ukon duha sa mga ini, depende sa korte.
3RD OFFENSE – P2,000 sa kada bayulasyon, ukon pagka-preso sang napulo (10) ka adlaw, ukon duha sa mga ini, depende sa korte.
Matandaan nga sang Lunes nga adlaw sa flag raising ceremony sang Provincial Government, namutikan ni Governor Fredenil ‘Oto’ Castro nga daw kaangay sa naghaluga na ang Capiz sa pagpatuman sang public health protocol, kag diri namunuhan sang Gobernador ang kaaepktibo sang mga kapulisan.
Bangud sini, sumugod subong nga adlaw, Hulyo 13 tubtob Hulyo 20, magalibot ang gobernador sa probinsya.
Pahanumdom pa sang gobernador nga kita mismo nga mga pumuluyo ang makapugong sa COVID-19 kun nagasunod lamang sang health protocol.
