ROXAS CITY -May ginasunod na nga lead ang kapulisan sa pagluthang-patay sa isa ka manugsarahe sang kahoy nga si Sulpicio Soriano sang Barangay Maninang, Sapian, Capiz.
Ginpahayag ni PO2 Ivan Camacho, imbestigador sang Mambusao PNP nga natigayon nga ma-trace ang tricycle nga ginapatihan gingamit sang tatlo ka mga suspek ba-se sa deskripsyon sang upod ni Soriano nga si Efren Loyola sang Barangay Bula, Mambusao, Capiz.
Ginkumpirma man sang imbestigador nga may nakita pa nga side mirror sang tricycle nga ginapatihan nabilin sang mga suspek sa lugar nga ginluntaran sang krimen.
Daku man ang posibilidad nga tumandok sang proper sang Mambusao ang mga suspek.
Matandaan nga nagalakat ang biktima kaupod si Loyola bangud nagapangita sang mabaklan sang gasolina, apang hinali lamang nakabati sang asud asod nga lupok si Loyola tobtob nakita sini ang pagbunggo sang tricycle sa biktima kasunod ang madasig nga pagpadalagan palayo sa lugar.
