-- ADVERTISEMENT --
Nagpahanumdom ang kapulisan sa mga tumuluo nga mangin mabinantayon kag alerto sa pag-obserbar sang Semana Santa.
Sa interview sang Bombo Radyo kay Police Major Ruby Magallanes, Officer-in-Charge sang Mambusao Municipal Police Station, iya ginpahayag nga may yara sang ginpahamtang nga mga Police Assistance Desk sa mga matawo nga lugar sa banwa.
Suno kay Magallanes, ginapangabay man nila sa publiko nga sekyaron ang mga panimalay kag siguraduhon nga nakasarado kag naka‑off ang mga suga kag appliances kon wala sang tawo.
Dugang pa niya, may yara man sang gin-augment nga force multipliers ang kapulisan agud masiguro ang seguridad sang publiko sa Semana Santa.
