CUARTERO, CAPIZ – Padayon ang imbestigasyon sang kapulisan sa pagbungguanay sang closed van kag ceres bus sa Barangay Poblacion Ilaya, Cuartero, Capiz.
Sa interview sang Bombo Radyo kay Police Captain Jessie Lepaña, Officer in charge sang Cuartero Municipal Police Station, iya ginpahayag nga may yara sang 39 tanan ka sakay ang ceres bus kag 4 ka sakay ang closed van kun sa diin madamu ang naka-angkon sang pilas nga gilayon man nga ginpadangat sang kapulisan.
Suno kay Lepaña, may ginlikawan ang closed van rason nga nagkadtu ini sa linya sang ceres bus nga nag resulta sang pagbunggunaay.
Psahayag pa niya, yara na sa kustodiya sang kapulisan ang amo nga mga salakyan nga involved sa aksidente.
sa subog, ginahulat pa ang settlement sang duha ka kumpaniya samtang nagapadayon ang imbestigasyon sang insidente.
INTERVIEWED BY: BOMBO ROADNIE DABAN DALANON VIA ZONA LIBRE
