Nagpahanumdom ang kapulisan sa mga ginikanan nga indi pagtugyanan ukon pagpahanugutan ang mga menor de edad nga magmaneho sang mga salakyan.
Sa interview sang Bombo Radyo kay Police Captain Rile F. Villariez Jr., Officer-in-Charge sang Ivisan Municipal Police Station, iya ginpahayag kun nga mapatud-an nga maglapas sa layi sang residential Decree No 603 patikular sa Article 59, No. 12 mahimo mapatawan sang pagkapreso nga duha tubtob anum ka bulan ukon multa nga ₱500, depende sa desisyon sang korte.
Suno kay Villariez, kadam-an sang mga aksidente sa dalan ang nagalakip sang mga menor de edad nga wala sang nagaka-igo nga ihibalo sa pagmamaneho
Dugang pa sini nga may daku man nga responsibilidad ang mga ginikanan sa paggiya sa ila mga kabataan agud indi magmaneho ang menor nga pang-edad kag malikawan ang mga disgrasya sa dalanon.
