Magadeploy ang mga kapulisan sa mga nagkalain-lain nga simbahan sa banwa sang Panay agud masiguro ang seguridad sang mga tumuluo.
Sa interview sang Bombo Radyo kay Police Captain Eric Deocampo, officer-in-charge sang Panay Municipal Police Station, iya ginpahayag nga bilang kahandaan, may yara sang napahamtang nga mga police assistant desk sa mga simbahan kag sa iban pa nga mga lugar sa amo nga banwa.
Suno kay Deocampo, may yara man sang mga ginapatigayon nga checkpoint sa mga dalanon agud masiguro nga hilway ang pagselebrar sang mga tumuluo sang Semana Santa.
Nahibaluan nga isa sa mga gindugukan sang mga tawo ang amo ang Sta. Monica Church ukon kilala man sa “Panay church” nga isa sa mga popular nga simbahan sa lugar.
Samtang nagpahanumdom man ini sang publiko nga sekyaron nga nakalock ang mga panimalay kun may pagakadtuan agud malikawan ang mabiktima sang mga mga kawatan.
