Kapulisan sa banwa sang Tapaz, ginpabaskog pa ang pagbantay sa mga eskwelahan

Ginpabaskog pa sang Tapaz Municipal Police Station ang ila pagbantay sa mga eskwelahan agud masiguro ang seguridad sang mga estudyante kag school personnel.

Sa interview sang Bombo Radyo kay Police Major Gregg Anthony Salbang, Chief of Police sang Tapaz MPS, iya ginpahayag nga 24-oras ang pagpatrolya sang mga kapulisan sa mga eskwelahan.

Suno kay Salbang, ginasiguro man sini ang pag-check sa mga entrance kag exit sang mga eskwelahan, ilabi na sa tion sang pagsugod kag pagtapos sang klase.

Ginpahayag man sini nga padayon ang ila koordinasyon sa mga eskwelahan kag nagahiwat sang mga symposium may kaangtanan sa emergency preparedness agud mangin handa ang mga estudyante kag personnel sa tion sang emerhensya.