ROXAS CITY – May yara na sang ginakabig person of interest ang mga katapo sang kapulisan sa natabo nga pagbuno sa mag-iloy sa sulod sang ila balay sa National Housing Authority (NHA) sa Brgy. Timpas, banwa sang Panit-an.
Ini ang ginkumpirmar ni PSSgt. Francisco Mario Balasa, imbestigador sang Panit-an MPS, sang mainterview sang Bombo Radyo.
Suno kay Balasa, nagapangalap na sila sang posible witness nga makatumod sa suspek.
Ginkumpirmar man sini nga yara man lang sa amu nga Housing ang responsable sa amu nga insidente.
May posibilidad man suno diri nga isa ang pagpangawat sa motibo sang suspek apang wala nila ginadula ang iban pa nga motibo matapos nga lunsay mga babayi ang tawo sa sulod sang amu nga puloy-an.
Sa karon, padayon nga ginabulong sa ospital ang iloy nga si Sharon Duron Cortez, kag duha sini ka mga menor de edad nga mga kabataan.
