Nahatagan na sang nagakaigo nga igtalupangod kag aksyon ang nag viral online nga video sang mga kabataan sa diin nga nagapaharurot ini sang ila tagsa ka mga motorsiklo kag nagakarerahay sa boundary sang Cuarter-Dumalag, Capiz, partikular sa Barangay Angub, banwa sang Cuartero.
Ang wala na ginpanghingadlan nga mga mga nagakarera ang lunsay nga mga pamatan-on kag panagayaw.
Sa interview sang Bombo Radyo kay Police Captain Alladen Talaban, Hepe sang Cuartero Municipal Police Station, iya ginpahayag nga wala gilayon nagkaladakpan ang amo nga mga kabataan bangud sa ila nga pagpadulong sa lugar, lunsay ini nga nagtiliaplag.
Apang, ang nasambit nga karera ang natabo isa na ka semana ang nakaligad.
Nakaabot naman ini suno sa iya sa talatapan sang mga alkalde sang duha ka banwa ang Cuartero kag Dumalag kag nahatagan na ini sang nagakaigo nga igtalupangod.
Padayon na nga nagapatrolya ang mga kapulisan sa amo nga lugar kag base sa ila sini nga ginapatigayon nga mga pagpatrolya, wala na sang may nagakarera sa amo nga lugar, sa diin suno kay Talaban, una ini nga kahigayunan nga natabo sa amo man nga bahin sang Cuartero kag Dumalag.
Panawagan naman ni Talaban sa mga pumuluyo sang Cuartero nga kun may mahibaluan kag may makita nga nagapatigayon sang kasubong nga aktibidad, gilayon nga ipalab-ot sa ila nga talatapan agud nga maaksyunan kag indi na maliwat pa ang amo nga buluhaton.
