Kasalang bukid sa Capiz nangin viral sa social media

ROXAS CITY – Nagviral subong sa social media ang pagpakasal sang magkahagugma nga sanday Wenefredo Matillano Jr. kag Mary Ann Amata-Matillano sang Barangay Bangon-Bangon, Sigma, Capiz.
Sa baylo nga malahalon nga wedding car ang ila sakyan matapos ang seremonya sang kasal, karosa sang karabaw nga ginagamit sa ulumhan sang amay ni Wenefredo ang ila nga sakyan padulong sa balay sang bride sa diin ginpatigayon ang reception.
Nagdesisyon ang duha nga karosa ang gamiton sa ila nga pagpadulong sa reception bangud sa lubakon nga dalan bangud sa mamunog nga ulan.

Nahibaluan nga childhood sweethearts ang duha sa diin gin-ako sa Bombo Radyo sang groom nga first love sini ang iya nga bride.