Sa pihak nga bahin, dayon sa gihapon ang kaso batuk kay Senador Joel Villanueva kag Sen Francis Escudero suno kay Ombudsman Jesus Crispin Remulla.
Ini sa tunga sang mga alegasyon nga ang pagsaylo sang duha ka mga senador sa majority sa Senado ang makaapekto sa mga kaso.
Matandaan nga gin-akusahan si Villanueva ni anay DPWH Bulacan First District engineer Henry Alcantara nga ginaalegar nakabaton sang P150 million nga balor sang kickbacks para sa multi-purpose building project sa probinsya, apang ginpanginwala sang senador ang akusasyon.
Gin-akusaran man si Escudero nga nakabaton sang kickbacks halin sa flood control projects nga kaangay man ginpanginwala sang mamalidha.
Samtang, ginpanginwala naman ni Ombudsman Remulla ang pagkabalaka nga target sang anti-graft body ang bag-o nga minority sang Senado.
Suno kay Remulla, indi ini matuod bangud kun iya panumdumon, kalabanan sa mga napreso subong ang ila mga kaalyado.
