ROXAS CITY – Case dismissed ang ‘Grave Neglect of Duty and Grave Misconduct’ nga reklamo sang anay administrador sang Ilolio City nga si Manuel ‘Boy’ Mejorada batuk kay Roxas City Mayor Ronnie Dadivas.
Sandig sa ginpaguwa nga desisyon sang Office of the President, ang letter-complaint nga gin-file ni Mejorada batuk sa alkalde, napetsahan May 12, 2021 ang gin-dismissed bangud sa ‘lack of substantial evidence.’
Ini ang may kaangtanan sa pagpahanugot sang alkalde nga mag-operar ang iligal nga double your money investment scheme sang Chiyuto Creative Wealth Document Facilitation Services (CCWDFS) sa syudad.
Sa interview sang Bombo Radyo kay Mr. Melvin Galagate, pinuno sang Roxas City Communications Group (RCCG), ginpahayag sini nga pamatuod gid lamang nga ang mga alegasyon kag pagpatalang ni Mejorada ang wala sang basehan.
Sa pagkamatuod suno diri, wala gin-aprubahan ni Dadivas ang application nga business permit sang CCWDFS, matapos ang gin-conduct nga imbestigasyon sang Business Permit ang Licensing Division sa negosyo sang CCWDFS, rason nga ginpahibalo sang alkalde ang talatapan sang Roxas City PNP kag ang NBI agud magpatigayon sang madalom nga imbestigasyon.
