Gin-anunsyo ni Ombudsman Jesus Crispin ‘Boying’ Remulla nga pila ka mga kaso batok sa mag-iloy nga sanday Batangas 1st District Rep. Leandro Leviste kag Sen. Loren Legarda ang ginpasaka para sa ‘preliminary investigation’.
Suno kay Ombudsman Remulla, ang mga reklamo nga ipaidalum sa ‘preliminary investigation stage’ amo ang plunder, graft, kag conflict of interest.
Ini nga mga reklamo ang may kaangtanan suno sa iya sa Solar firm ukon kumpaniya sang mamalidha nga napaslawan sa pagtuman sang promisa ukon responsibilidad nga ipaambit ang ‘Solar energy’ para sa pungsod.
Gin-athag sang Ombudsman nga nalakip sa kaso ang iloy sang mamalidha nga si Sen. Loren Legarda bangud sa mga alegasyon nga gingamit sini ang iya anay posisyon bilang chairperson sang Senate Finance Committee agud masiguro ang prangkisa ni Rep. Leviste.
Ginakabig sang opisyal nga ‘ghost electricity’ ang kaangay nga kaso kun sa diin kapin P10 billion ang ginakwestyon sa nadula nga benepisyo para sa Pilipinas.
