-- ADVERTISEMENT --
ROXAS CITY-Nagdangat na sa 124 ang kabug-osan nga kaso sang Coronavirus Disease ukon COVID-19 sa probinsiya sa Capiz.
Sandig sa ginpaguwa nga case bulletin sang Provincial Health Office tatlo ka mga panibag-o nga kaso ang nagdugang sa siyudad sang Roxas kalakip na si Capiz Governor Esteban Evan Contreras.
Sa nasambit nga numero 26 diri ang padayon nga ginabulong sa ospital samtang 95 naman ang nag-ayo ukon nakarekober sa amo nga balatian.
Samtang, yara naman sa apat ka mga indibidwal ang ginbawian sang kabuhi matapos nga narekord ang isa ka new fatality.
