Nagnubo ang kaso sang mga cybercrimes nga naire-record sang Philippine National Police (PNP) sa midyear sang 2024.
Sandig sa datus nga hawid sang PNP-Anti-Cybercrime Group (ACG), nagdangat lamang sa 8,177 nga reklamo ang nairekord sa midyear sang 2024 samtang nagdangat naman sa 12,808 ang nairekord sa midyear sang 2023.
Katumbas ini sang masobra 36% nga pagnubo sang mga cybercrimes.
Mas nagnubo ang nagkalain-lain nga mga insidente nga naibalita sang publiko sa estasyon sang mga otoridad, kasubong sang online selling,
Suno sa ACG, ini ang nagapamatuod nga nangin epektibo ang cybersecurity measures nga ginpatupad sang gobyerno.
Nagapati man ang PNP-ACG nga nagin epektibo ang mga cybercrime awareness campaign nga ginhiwat ini agud mapataas kag maangat ang ihibalo sang publiko kontra sa online scams.
