Nagnubo ang kaso sang dengue sang halos katunga subong nga tuig kun ipaanggid sang nagligad nga tuig sa pareho nga period sandig sa latest nga Provincial Dengue Case Bulletin sang Capiz Provincial Health Office.
Sa interview sang Bombo Radyo kay Mr. Joeffrey Espiritu, Information Officer sang Department of Health (DOH) Capiz, iya ginpahayag nga halin Enero 4 tubtob Agosto 1, 2026, naka-record ang Capiz sang 494 dengue cases nga may 48.38 percent nga mas manubo kun ipaanggid sa 957 cases nga na-record sang kaangay nga period sang 2025.
Suno kay Espiritu, sa pihak sang pagnubo sang kaso, may yara sang duha ka dengue-related deaths nga na-record subong nga tuig.
Pahayag niya, apisar may decline sa numero sang kaso sang dengue, padayon sa gihapon nga gina-remind ang mga residente nga maghimo sang preventive measures batuk sa dengue, ilabi na sa mga lugar nga may mga clustering sang kaso.
Nagapanawagan ang natungdan sa mga komunidad nga magpabilin nga alerto bangud madasig nga nagataas ang kaso sang dengue ilabi na sa tion sang pag-ulan ulan.
