Nagdangat na sa kabug-usan nga 340,860 ang mga nabalhag nga kaso sang Dengue sa Pilipinas suno sa ulihi nga datos sang Department of Health (DOH) sumugod sang bulan sang Enero 1 tubtob Nobyembre 16 tuig 2024 kun sa diin mas mataas sang 81 percent ikumparar sang 2023.
Nagdangat lang sa kabug-usan nga 188,574 ang nabalhag nga kaso sang Dengue sa kapareho nga bulan sang nakaligad nga tuig. Suno pa sa datos sang DOH, mas manubo ang mga napatay sini nga tuig nga may yara nga 0.26 percent ikumparar sa 0.34 percent nga nabalhag sang 2023.
Paathag sang ahensya ang pagnubo sang mga nabalhag nga napatay sa Dengue ang bangud sa mga Pilipino nga ginapili na nga mag pakonsulta sang timprano sa mga Hospital.
Panawagan naman sang DOH sa publiko ipabilin nga matinlo ang mga lugar kun sa diin masami nga nagatinir ang mga lamok agud magpadamo, ilabi na sa mga rehiyon nga naapektuhan sang mga nakaligad nga bagyo.
Samtang, nagpaguwa naman ang DOH sang ila ‘4S strategy’ agud batuan ang paglapta sang Dengue sa lugar.
