CAPIZ – Mas mataas sang 27% kung ikumparar sadtong 2023 ang kaso sang fireworks-related injuries sa probinsya sang Capiz.
Sa interview sang Bombo Radyo sa Information Office sang PHO-DOH Capiz nga si Mr. Espiritu, ginpahayag sini nga naglab-ot na sa 23 ka mga kaso sang nalukpan ang ila napagkit sumugod nagsugod ang Holiday Season.
Suno kay Espiritu, sa nasambit nga numero nakapagkit diri sang tig-isa nga kaso ang banwa sang Cuartero, Dao, Dumalag, Dumarao, Jamindan, Pilar, Pontevedra, kag Tapaz samtang ang Mambusao may yara sang 2 ka kaso, Sigma may 3 kag ang syudad sang Roxas may yara sang 10 ka mga kaso.
Mahibaluan nga 3 diri ang nabiktima sang gingamit nga Boga, 2 sang whistle bomb, grenade – 1, Five Star – 2, Bilong-bilong – 1, Kamara – 2, Kwitis – 4, Libintador – 5, Triangle – 2, kag Other similar firecracker – 1.
Ginpahayag man sang tagpamaba nga 14 sa mga ini ang active ukon sila mismo ang nagpalupok kag 9 diri ang nadalahig lamang.
Napagkit man sang ahensya nga 13 sa nasambit nga numero ang naka-inum sang makahulubog nga ilimnon kag 10 naman ang wala sang natabo ang insidente.
Kadam-an sa mga nabiktima nagapang-edaron sang 10 ka tuig tubtob 19-anyos.
Sa karun, nagapabilin ang 3 ka mga biktima sa ospital para sa nagakaigo nga pagbulong.
