Naglab-ot na 200 ka kaso sang Hand-Foot-and-Mouth Disease (HFMD) ang narekord sa probinsya sang Capiz halin Enero tubtob Oktubre 2026.
Sa interview sang Bombo Radyo kay Joeffrey Espiritu, Public Information Officer sang DOH-Capiz, iya ginpahayag nga kalabanan nga gina-igo sang amo nga balatian amo ang mga kabataan.
Suno kay Espiritu, ang HFMD isa ka makalalaton nga balatian nga mahimo m makuha kun maghawid sa mata, ilong, ukon bibig gamit ang kamot nga nahawidan ang isa ka butang nga kontamindo sang virus.
lakip sa mga sintomas sang amo nga balatian amo ang hilanat, sungaw sa bibig, pagpalanakit sang tutunlan, kag mga butlig sa palad kag dapa-dapa.
Nagpahanumdom naman ang ahensya sa publiko nga sundon ang husto nga paghugas sang kamot gamit ang sabon kag tubig, pagmentinar sang katinlo sang palibot agud malikawan ang paglapta sang amo nga balatian.
