ROXAS CITY, CAPIZ- Nagdangat sa 744 ang kaso sang Hand, Foot and Mouth disease (HFMD) ang narekord sang Capiz Provincial Health Office umpisa halin Enero 1 tubtob Agosto 23, 2025.
Sa interview sang Bombo Radyo kay Dr. Ramon Alex nolasco, Provincial Health Officer sang Capiz Provincial Health Office, iya ginpahayag nga masami nga gina-igo sang amo nga balatian amo ang mga kabataan.
Ang Hand, Foot and Mouth disease (HFMD), isa ka makatalapon nga balatian nga mahimo makuha kun maghawid sa mata, ilong, ukon bibig gamit ang kamot nga nahawidan ang isa ka butang nga kontamindo sang virus.
Kalakip sa mga sintomas sini ang lagnat, sungaw sa bibig, pagpalanakit sang tutunlan, kag mga butlig sa palad kag dapa-dapa.
Panugyan sini, pananglitan nga makaangkon sang kasubong nga mga sintomas ang isang bata, ipabilin ini anay sa balay sang pito tubtob pulo ka-adlaw ukon tubtob sa panahon nga madula kag magmala na ang mga pilas.
Importante man suno sa iya ang mga kubyertos kag iban pa nga personal nga kagamitan sang tawo nga maysakit nga Hand, Foot and Mouth disease (HFMD) kag limpyuhon ang lugar kun sa diin sila naplastar gamit ang disinfectant.
Interviewed by Bombo Sunnie Mae Constantino Batencila
