ROXAS CITY, CAPIZ- Nagpahanumdom ang mga health experts matapos nga nagsaka ang kaso sang lung cancer sa pungsod, sa diin isa sa nagapanguna nga cause sang cancer deaths sa kalibutan kag sa Pilipinas.
Ang lung cancer isa ka balatian nga nagahalit sa baga kag may duha ka major types sa diin amo ang Non-Small Cell Lung Cancer (NSCLC) kag Small Cell Lung Cancer (SCLC).
Sa interview sang Bombo Radyo kay Dr. Mark Christian Agase, Medical Specialist sa Sen. Gerardo M. Roxas Memorial District Hospital, iya ginpahayag nga nagapanguna nga risk factors ang pagpanigarilyo, secondhand smoke, polusyon, kag exposure sa kemikal.
Suno kay Dr. Agase, masami nga sintomas ang pagbinarukoy, ubo nga may dugo, chest pain, kag paglisod sa pag-ginhawa.
Pahayag niya, kun may sintomas ukon na-diagnose, kinahanglan dayon nga magpakonsulta kag magpa-imaging tests kag biopsy. May lain-lain man nga stages kag treatment options pareho sang surgery, chemo, radiation, kag targeted therapy.
Ginarekomendar naman sang natungdan ang preventive measures nga indi magpanigarilyo, likawan ang secondhand smoke, kag magpa-check-up para sa early detection.
Interviewed by Bombo Jessa Mae Siman De Los Santos
