ROXAS CITY – Nalagb-ot na sa 41 nga kaso sang pagkinawatay ang napagkit sa probinsya sang Capiz.
Sa interview sang Bombo Radyo sa Capiz Police Provincial Director nga si PCol. Albert Tapulao, ginpahayag sini nga ini ang base sa ila datos sumugod Enero 1 tubtob subong nga bulan sang Setyembre.
Suno kay PCol. Tapulao, sa nasambit nga numero 28 diri ang number of solved, 32 ang number of cleared kag 9 ang nagapabilin nga under investigation.
Kalabanan sa mga ginapunterya sang kawatan ang mga puluy-an, establisyemento kag buluthuan kung sa diin 6 ka mga eskwelahan ang nakawatan kag naglab-ot sa 16 tanan ka mga laptops kag iban pa nga mga kagamitan sa hulot klasehan.
Bangud sa pagduging sang mga kawatan sa probinsya, ginpasiguro sang CPPD nga indi mag-untat ang katapo sang kapulisan tubtob nga indi matapna ang kasubong sini nga aktibidad.
