Padayon ang pagnubo sang mga kaso sang pertussis sa pungsod.
Suno sa Department of Health (DOH), yara sa 50 nga kaso na lamang kada semana ang ila napagkit sumugod pa sadtong Mayo kung ikumparar sa 300 nga kaso kada semana sa bulang sang Abril.
Samtang yara naman sa tunga sa milyon nga pentavalent vaccine na ang nag-abot sa pungsod subong nga bulan kag yara nagapabilin sa cold storage.
Kaangut sini, ginaasikaso pa ang mga papeles, antes ipanagtag sa mga government health centers sa nagkalain-lain nga bahin sang pungsod.
Dugang pa ni Health Secretary Teodoro Herbosa, yara sa 750,000 doses pa sang pentavalent vaccines ang ginalauman nga magaabot sa masunod nga semana.
Bangud sini, nagasalig ang ahensya nga dalayon pa nga maganubo ang mga kaso sang nasambit nga balatian bangud sa ginapabaskog nga bakunahan.
