Sa pagpadayon sang Impeachment trial batuk kay VP Sara Duterte, gin-ungkat ang kaso ni Ronnel Mas, isa ka manunudlo sa pampubliko nga eskwelahan gikan sa Zambales nga ginaalegar nagtanyag sang P50 million sa sin-o man nga magpatay kay Former President Rodrigo Duterte.
Sa hearing, ginhatagan pagtamod ni Senator-judge Erwin Tulfo nga gilayon nga nadakpan si Mas sadto nga tion, sa pihak sang gin-alegar nga wala sang arrest warrant batuk sa iya.
Bangud sini, ginpamangkot ni Tulfo ang National Bureau of Investigation (NBI) kon ngaa wala gin-aresto si VP Sara kasunod sang ginaalegar pamahog sini batok kay President Ferdinand Marcos Jr.
Katuyuan sang senador nga mahibaluan kon bala pareho ang nanginbasehan kag aksyon sang NBI nagakaigo sa sining duha ka magkatuhay nga kaso, nga lunsay nagalakip sang ginaalegar nga mga pamahog batok sa kabuhi sang isa ka presidente.
