Ginkilala bilang isa sa Ten Outstanding Ilonggos of Iloilo City 2026 si SFO1 Jefferson P. Buenaventura sang Jaro Fire Substation, Bureau of Fire Protection.
Sa interview sang Bombo Radyo, ginpahayag ni Buenaventura nga daku nga dungog para sa iya ang amo nga pagkilala, ilabi na nga ini naghalin sa iya pagserbisyo bilang bombero kag sa iya mga kontribusyon sa komunidad.
Suno sa iya, ang trabaho bilang bombero indi lamang limitado sa pagpatay sang sunog, kundi nagalakip man sang pagresponde sa nagkalain-lain nga emerhensiya kag pagprotektar sa kabuhi kag propiedad sang mga pumuluyo.
Ginpahayag man ni Buenaventura nga ang pagkilala isa ka dugang nga inspirasyon para sa iya nga ipadayon ang matinud-anon nga pagserbisyo sa publiko, bisan pa sa mga peligro kag kabudlayan nga kaakibat sang trabaho bilang bombero.
