Nalakip sa Top 20 sang Outstanding Firefighters of the Philippines 2025 ang katapo sang Bureau of Fire Protection- Roxas.
Sa interview sang Bombo Radyo kay Senior Fire Officer 2 Sussie May Magan, Culasi Fire- Substation Commander, iya ginpahayag nga ang tinutuyo sang sini nga pagkilala amo ang pagkilala sa mga indibidwal nga nagpakita sang exemplary performance.
Suno kay Senior Fire Officer 2 Magan, wala siya sang plano nga magsulod bilang isa ka bumbero bangud ang handum sini ang mangin isa ka manunudlo apang pag-abot sang oportunidad, gilayon niya nga ginkuha bangud sa pagkinhanglan sang trabaho.
Pahayag pa niya, sang makasulod siya sa Bureau of Fire Protection, iya gintutok ang iya nga tion sa pagserbisyo ilabi na ang mga nagakinahanglan sang bulig.
Nagapasalamat man ang natungdan sa tanan nga nagbulig, nagsuporta kag nagsalig sa iya nga abilidad sa patag sang pagserbisyo.
