ROXAS CITY – Ginpaguha sa presohan ang katapo sang Phil. Army nga aksidente nakaluthang-patay sa iya kaugalingon nga himata samtang ginahampangan sini ang calibre 357 nga armas sa banwa sang Jamindan.
Sa pagpakig-angut sang Bombo Radyo kay PSSgt. Lou Jacinto Robles, imbestigador sang Jamindan MPS, ginsiling sini nga ginpaguha ang suspek nga si Sgt. Joemariel Vacaro bangud naglapse na ang reglementary period sini kun sa diin wala gilayon naproseso ang papeles agud mahingagaw inquest.
Ginsiling ni Robles ginahulat nalang nila ang pamilya nga makatapos hikot sang papeles sang biktima apang indi sila sigurado kun mapasaka pa sang kaso ang ginbay-an nga himata sang biktima nga si Arnulfo Vacaro.
Dugang pa sang imbestigador, sa tion nga maglapse ang reglementary period, nagakadapat lamang nga paguwaon nila ang suspek kun sa diin mahulog ang kaso sini sa regular filing.
