ROXAS CITY – Nakaalerto na ang mga katapo sang Philippine National Police (PNP) sa probinsya sang Capiz para sa ikalima nga State of the Nation Address ni Presidente Rodrigo Duterte.
Ini ang ginpahayag ni Provincial Director Police Col. Julio Gustilo Jr., sang Capiz Police Provincial Office sang mainterview sang Bombo Radyo.
Suno kay Gustilo nga nakahanda na ang mga kapulisan agud mapabilin ang kalinong kag katawhay sa probinsya.
Ginpahayag man sang nasambit nga opisyal nga naka-deploy na ang mga pulis agud masiguro ang kalinong kag katawhay sa nagkalain-lain nga mga kabanwahanan.
Magluwas diri, may yara man sang patigayunon nga mga security checkpoints.
Mahibaluan nga ginmanduan ni Gustilo ang mga kapulisan sa probinsya nga mangin alerto agud malikawan ang anuman nga mga kalakasan ukon pamahog kag mga hublag protesta subong nga adlaw sang SONA.
