Malipayon nga ginpakigbahin sang aktres nga si Kathryn Bernardo ang iya wax figure sa Madame Tussauds Hong Kong pagkatapos sang halos isa ka tuig nga paghulat.
Ang proyekto nagsugod sang Agosto 2025 kon sa diin ginhimo ang mga sukat agud masiguro nga kaanggid ini sa aktres.
Suno kay Kathryn, nagdayaw ini sa kalantip sang mga artista nga naghimo sang wax figure bangud bisan ang pinakagamay nga detalye sang iya hitsura ang nakuha, halin sa facial features tubtub sa iya kuko kag make-up.
Gin-share man sang aktres nga pinasahi sa iya ang gown nga ginasuksok sang wax figure bangud ini ang nagikan sa iya isa ka importante nga karera kon sa diin nakabaton siya sang award sa South Korea sang 2023.
Suno kay Kathryn, indi siya makapati sang una niya nga nabaton ang imbitasyon halin kay Madame Tussauds. Apang, ang tanan sa katapusan nangin kahulugan pagkatapos nga makita ang natapos nga trabaho sa personal, nga suno sa iya isa sa pinakaimportante nga pagkilala sa iya karera.
