Indi dapat mangin confrontational ang mga argumento sa sulod sang impeachment trial sa tunga sang defense kag prosecution.
Ini ang pahayag sang litigation expert may kaangtanan sa mainit nga pagbaylohanay sang argumento sa tunga nanday defense counsel Atty. Kristine Ferrer kag private prosecutor Atty. Lorna Kapunan sa ika-15 ka adlaw sang impeachment trial batuk kay Vice President Sara Duterte.
Sa interview sang Bombo Radyo kay Atty. Carlo Ybañez, iya ginpahayag nga sa mga natabo kahapon, daw kaangay nga na-bypass ang katungdanan ni Presiding Officer Francis Chiz Escudero.
Suno kay Ybañez, kinahanglan nga una ginadirekta sa presiding officer ang objections kag argumento, nga amo gilayon ang madesisyon antes pahanugotan nga makasabat ang opposing party.
Apang ang amo nga procedure nagaguwa nga wala na-obserba sa proceedings kahapon bangud direkta nga nagabaisay ang mga myembro sang defense kag prosecution.
Pahayag niya, wala pa nakatapos sa pagpresenta si Atty. Kapunan sang iya objection sang gina-interrupt sang depensa.
Dugang pa sang natungdan, importante ang katungdanan sang presiding officer sa pagpabilin sang order kag masiguro nga ginasunod ang pagsulondan sa impeachment trial.
