Kawatan nga nagpangawat sang battery sang salakyan, dakop sang mga katapo sang BPAT

ROXAS CITY – Dakop sang mga katapo sang Barangay Peacekeeping Action Team (BPAT) ang 28 anyos nga lalaki nga nagpangawat sang battery sang salakyan sa Barangay Tanque, Roxas City.

Ginkilala ang nadakpan nga si Mark Anthony de Isidro, residente sang Barangay Bolo, sining siyudad.

Mahibaluan nga ginkawat ni de Isidro ang battery sang salakyan ni Jorel Dequiña, 32 anyos.

Nakit-an sang mga katapo sang BPAT si de Isidro nga bitbit ang battery sang salakyan kag sang gin-usisa ini, iya man nga gin-ako ang ginhimo nga pagpangawat.